សេចក្តីជូនដំណឹង
​​​​​​​
សុខៗ ស្រាប់​តែ​ស្រីស្រស់ ជីមមី បង្ហាញ​មុខ​ម្ចាស់​ស្នេហ៍​បើក​ចំហ

10/10/2020


ភ្នំពេញ៖ ថ្មីៗ​នេះ​ស្រាប់​តែ​ ពិធី​ការិនី​​រាង​ស្លីម ​មាន​​ទម្រង់​មុខ​ឃ្យូតៗ ​គួរ​ឱ្យ​ស្រឡាញ់​​កញ្ញា ម៉េង ឃុននី ហៅ ជីមមី​ បង្ហើប​បង្ហាញ​មុខ​មាត់​ពិត​នៃ​ម្ចាស់​បេះដូង​ខ្លួន​​បើក​ចំហ​​ឱ្យ​​មហាជន​​ស្គាល់ ដែល​​ខុស​ពី​គោលដៅ​ខ្លួន​ធ្លាប់​ប្រាថ្នា​ចង់​បន្ត​ការ​សិក្សា​​ក្រៅ​ប្រទេស​មិន​ទាន់​គិត​គូរ​រឿង​គូ​គ្រង នាពេល​​កន្លង​​មក​នោះ​។​

បើ​តាម​ការ​សង្កេត​​​បុរស​រូប​សង្ហា​ មាឌ​ធំ​ មាន​ត្រេ​មុខ​បែប​កូន​កាត់ ច្រមុះ​ស្រួច​នោះ ​​គឺ​ឧស្សាហ៍​បង្ហាញ​ភាព​សិ្នទ្ធស្នាល​ជាមួយ​​តារា​សម្តែង និង​​ពិធីការិនី​រូប​ស្រស់ រាង​ស្រឡូន ដែល​ទើប​ផ្លាស់​ទ្រនំ​ពី​ទូរទស្សន៍​ភីអិនអិន​ មក​ទ្រនំ​ថ្មី​ទូរទស្សន៍​ MyTV កញ្ញា ជីមមី ​ណាស់ តែ​ក្រោម​ក្រសែ​ភ្នែក​ទស្សនិក​ជន គិត​ត្រឹម​ថា ជា​ដៃគូ​សម្តែង​ថត​ស្ប៉ត​​នានា​តែ​​ប៉ុណ្ណោះ។

ផ្ទុយ​ពី​ការ​គិត​របស់​មហាជន ស្រាប់​តែ​តារា​ស្រី​​​វ័យ ២៤ ឆ្នាំ កាន់​តែ​ស្រស់​ស្អាត​ សាច់​សខ្ចី​​ កញ្ញា​ ជីមមី បង្ហោះ​សារ​បង្ហើប​ការ​ពិត ​ពី​មុខ​មាត់ និង​​អារម្មណ៍​ពិត​​ទទួល​យក​បុរស​ដែល​មហាជន​​​គិត​​​ត្រឹម​មិត្ត​រួម​សិល្បៈ​នោះ​​ថា៖ «សុំទោស​ដែល​ឱ្យ​​​រង់ចាំ​យូរ​ ទី​បំផុត​ចម្លើយ​របស់ ​q &​ a with my sneha, Cham Nou Jimmy ចេញ​​​មក​ហើយ​​។ អ្នក​ណា​​ ដែល​ចង់​ដឹង​ថា​ តើ ​២ នាក់​យើង​​​​​ជួប​គ្នា​ដោយ​របៀប​ណា ​ហេតុអ្វី​ទើប​អាច​ទាក់ទង​គ្នា​បាន​ចុច​ចូល​ក្នុង​វីដេអូ​នេះ ​ទាំង​អស់​គ្នា​​ណា​»​។​

លើស​ពី​នេះ​ក៏​មាន​សារ​បង្ហាញ​ពី​ជម្រៅ​ចិត្ត​ស្រឡាញ់​ពេញ​​បេះដូង​ទៀត​​ថា៖ «បើ​សិន​ជា​​អ្នក​ជួប​​មនុស្ស​ម្នាក់​ដែលទ្រាំ​ ជាមួយ​​​នឹង​ចរិត​ដ៏​ពិបាក​​របស់​អ្នក​បាន កែ​​តម្រូវ​អ្នក​​​ពេល​ ដែល​អ្នក​មាន​កំហុស​ឆ្គង​យក​អ្នក​ជាអាទិ​ភាព​គ្រប់​ពេល​ដែល​អ្នក​ត្រូវ​ការ​គេ​តែងតែ​នៅ​ក្បែរ​នឹង​បង្ហាញ​ខ្លួន​ជានិច្ច​តែងតែ​រំឭក​​ប្រាប់​អ្នក​ថា អ្នក​មាន​តម្លៃ​គ្រប់គ្រាន់​សម្រាប់​ជីវិត​គេ​ និង​មាន​តម្លៃ​​គ្រប់គ្រាន់​នឹង​ទទួល​បាន​នូវ​ជីវិត​​ដ៏​ស្រស់​ស្អាត​​មួយ។ ​ជា​មនុស្ស​​ដែល​អ្នក​អាច​ចែក​​រំលែក​​​អាថ៌​កំបាំង​ដែល​អ្នក​មិន​ដែល​ប្រាប់​អ្នក​ណា​ឱ្យ​ទាំង​ភាព​ទុក​ចិត្ត​ជា​មនុស្ស​ដែល​អ្នក​ឃើញ​មុខ​គ្រប់​ពេល​​ដែល​អ្នក​សើច​ និង​យំ​ជា​មនុស្ស​ដែល​យក​សត្រូវ​របស់​អ្នក​ជា​សត្រូវ​​របស់​ខ្លួន​ឯង ជា​មនុស្ស​នៅ​ក្បែរ​អ្នក​រហូត​​ពេល​ដែល​ជីវិត​របស់​អ្នក​ជួប​ឧបសគ្គ​​ហើយ​ចូល​ខ្លួន​ជា​ដំណោះស្រាយ​​​គ្រប់​រឿង​ជា​មនុស្ស​ដែល​ស្រឡាញ់​គ្រួសារ​របស់​អ្នក​ដូច​គ្រួសារ​របស់​ខ្លួន​ឯង​មិន​សូវ​​សន្យា ​ប៉ុន្តែ​ចូលចិត្ត​បង្ហាញ​ទង្វើ​ដែល​​​ពិត​ប្រាកដ​ បើ​សិន​ជា​មនុស្ស​​ម្នាក់​ដែល​​អ្នក​ស្រឡាញ់​​មាន​​ចំណុច​ខាង​លើ​គួរ​កុំ​​បណ្ដោយ​​​ឱ្យ​គាត់​ចាកចេញ​​​​ពី​ជីវិត​របស់​​អ្នក​​ឱ្យ​សោះ។ ពី​ព្រោះ​គាត់​អាច​ជា​ឱកាស​​តែ​ ​១​ បើ​អ្នក​បណ្ដោយ​ឱ្យ​ដើរ​ចេញ​​ហើយ​ ​គឺ​អ្នក​មិន​អាច​រក​ឃើញ​មនុស្ស​បែប​ហ្នឹង​ឡើយ»៕

From: phomh post
អត្ថបទផ្សេងៗទៀត៖
អ្នកចូលទស្សនា
  • ចំនួនអ្នកទស្សនា04273265
  • ថ្ងៃនេះ22
  • ម្សិលមិញ932
  • សប្តាហ៏នេះ960
  • ខែនេះ19167
បណ្តាញទំនាក់ទំនងសង្គម