28/08/2020
បេសកកម្មពិសេសរបស់តារាចម្រៀងល្បីឈ្មោះវ័យក្មេង តន់ ច័ន្ទសីម៉ា លើឆាកប្រគំតន្ត្រីនៅប្រទេសថៃ កាន់តែខិតជិតចូលមកដល់ហើយ ពោលគឺការប្រគំតន្ត្រីគ្រប់ទម្រង់នឹងត្រូវដំណើរការឡើងវិញនៅពេលដែលស្ថានភាពជំងឺកូវីដ-១៩ ធូរស្រាលបន្តិច។ ទន្ទឹមគ្នានេះនាងក៏ប្រឹងប្រែងណាស់ដែរក្នុងការពង្រឹងសមត្ថភាពសិល្បៈ និងភាសាបរទេស ជាពិសេសភាសាថៃដែលនាងចាំបាច់ត្រូវប្រើសម្រាប់ទំនាក់ទំនងក្នុងការងារ និងចម្រៀងជាមួយតារាថៃ។
កញ្ញា តន់ ច័ន្ទសីម៉ា ប្រាប់ថា នាងបានរៀនភាសាថៃ ហើយអាចនិយាយបានជាមួយជនជាតិថៃខ្លះហើយ ប៉ុន្តែនាងត្រូវពង្រឹងវាបន្ថែមទៀត៖"សម្រាប់ខ្ញុំពេលនេះខ្ញុំចេះតិចៗ តែសូរស័ព្ទជាភាសាថៃខ្ញុំអាចនិយាយបានត្រូវតុងច្រើន ហើយពេលនេះដែរខ្ញុំកំពុងតែរៀនថៃជាបន្តបន្ទាប់ទៀត"។
សីម៉ា ថានាងទើបតែទទួលបានដំណឹងថ្មីបន្ថែមទៀតថា ក្រៅពីច្រៀងនៅក្នុងស្ទូឌីយោ នាងក៏នឹងត្រូវឡើងច្រៀងជាភាសាថៃជាមួយតារាចម្រៀងថៃនៅលើឆាកប្រគំតន្ត្រីដែលមានការផ្សាយបន្តផ្ទាល់តាមកញ្ចក់ទូរទស្សន៍ថៃទៀតផង។ វត្តមានបទចម្រៀងរបស់នាងនៅលើទឹកដីថៃ នឹងចាប់ផ្ដើមក្នុងពេលឆាប់ៗខាងមុខនេះ ពោលគឺនៅពេលដែលស្ថានភាពកូវីដ-១៩ ធូរស្រាលបន្តិច ហើយអាជ្ញាធរប្រទេសថៃ និងកម្ពុជាបើកច្រកទ្វាព្រំដែនធម្មតាឡើងវិញ។
កាលពីថ្ងៃទី១១ ខែសីហា ឆ្នាំ២០២០ ផលិតកម្មGalaxy Navatra បានប្រកាសថា តន់ ចន្ទសីម៉ា ជាតារាចម្រៀងដំបូងបង្អស់ បន្ទាប់ពីទទួលបានសន្ទុះគាំទ្រខ្លាំងនៅកម្ពុជា ខណៈនេះត្រូវបានក្រុមហ៊ុនរបស់ប្រទេសថៃមកវិយោគលើវិស័យចម្រៀងរួមគ្នាជាមួយក្រុមហ៊ុន Galaxy Navatra ដោយដាក់ឈ្មោះថា Galaxy Navatra Thailand ។
ក្នុងនោះក៏មានវត្តមាន តន់ ច័ន្ទសីម៉ា ម្នាក់ផងដែរដែលច្រៀងជាភាសាថៃក្នុងចំណោមវត្តមានតារាចម្រៀងល្បីៗថៃផ្សេងទៀតដែលរួមនៅក្នុងផលិតកម្ម ហើយអាចនឹងឈានទៅដល់កុងត្រា ជាមួយប្រទេសផ្សេងទៀតនៅអាស៊ី៕
អត្ថបទ៖ ជិន សុភ័ក្ដ្រ
From: sabay.com
| First12 3 Next Last(332 Items) |
- ចំនួនអ្នកទស្សនា04009113
- ថ្ងៃនេះ78
- ម្សិលមិញ519
- សប្តាហ៏នេះ5797
- ខែនេះ16192
