24/ 08/2020

រាជធានីភ្នំពេញ ៖ កាលពីម្សិលមិញនេះផលិតកម្ម Galaxy Navatra បានប្រកាសពីពេលកំណត់ចេញនូវ MV ផ្លូវការបទចម្រៀង «ជូនដំណើរអូនឡើងផ្លូវ High way» របស់តារាចម្រៀងសម្លេងស្អកលោក ខេម ដែលបញ្ជាក់ដោយសំណេរថា៖ «បទចម្រៀងដែលបងប្អូនកំពុងតែទន្ទឹងរង់ចាំរបស់កំពូលតារាចម្រៀង ខេម ដែលមានចំណងជើងថា ជូនដំណើរអូនឡើងផ្លូវហាយវេ និងសម្រេចចេញ MV ជាផ្លូវការនៅថ្ងៃស្អែកនេះហើយ»។

ជាក់ស្ដែងមុននេះផលិតកម្ម Galaxy Navatra ដែលមានលោកឧកញ៉ា ឡេង ណាវ៉ាត្រា ជាអគ្គនាយក បានបង្ហោះនូវ MV ថ្មីដែលចំណាយអស់ទឹកប្រាក់យ៉ាងច្រើន តបតាមការទន្ទឹងរង់ចាំពីមហាជនជាច្រើន ដែលក្នុងនោះក៏ទទួលបានការទស្សនាយ៉ាងសន្ធឹកសន្ធាប់ពីសំណាក់អ្នកគាំទ្រ ចំពោះសមិទ្ធផលយ៉ាងល្អប្លែកភ្នែក គួចយកការកោតសរសើរភ្លូកទឹកភ្លូកដី ទៅលើការសម្ដែងយ៉ាងល្អឥតខ្ចោះរបស់តួអង្គនីមួយៗ ជាពិសេសឈុតឆាកបាញ់ប្រហារទាក់ទាញខ្លាំង ពោលគឺគ្រប់ប្លង់ប្លែកខ្លាំងតែម្ដង៕