បន្ទាប់​ពី​មាន​ដំណឹង​ជា​ហូរហែ​កន្លងមក​អំពី Smartphone ថ្មី​របស់ LG រាង​កោង​តែ​មិន​ទាន់​ច្បាស់​រូបរាង​ពិតប្រាកដ​ឬ​មួយ​យ៉ាង​ណា​នោះ ​ថ្ងៃ​នេះ​ក្រុមហ៊ុន​ទូរសព្ទ​កូរ៉េ​ខាង​ត្បូង​នេះ​បាន​ប្រកាស​បើក​កកាយ​មុខមាត់ពិត​របស់​ខ្លួន​គឺ LG G flex ជា​ផ្លូវការ​។

G Flex ជា Smartphone ដំបូង​ដែល​មាន​រូបរាង​កោង​របស់​ក្រុមហ៊ុន LG បំពាក់​ដោយ​បច្ចេកវិទ្យា​អេក្រង់ flexible OLED ទំហំ ៦អ៊ីញ មាន​កម្រាស់​ចន្លោះ​ពី ៧,៩មម ទៅ ៨,៧មម អាស្រ័យ​ស្ថិត​នៅ​ត្រង់​ផ្នែក​ខុស​គ្នា ហើយ​ទម្ងន់ ១៧៧ក្រាម។ ទូរសព្ទ​កោង​នេះ​ត្រូវ​បាន​បំពាក់ CPU ប្រភេទ quad-core Snapdragon 800 ជា​មួយ​ល្បឿន 2.26GHz RAM ទំហំ 2GB Memory ម៉ាស៊ីន​ទំហំ 32MP (+microSD) និង​កាមេរ៉ា 13MP។ ចំណែក​កម្រិត​ថាមពល​ថ្ម​រហូត​ដល់ 3500mAh ខ្ពស់​ជាង​ទូរសព្ទ​កោង Galaxy Round របស់ Samsung ដែល​មាន​ត្រឹម 2600mAh។ សង្គេត​ឃើញ​ Smartphone កោង​នា​ពេល​បច្ចុប្បន្ន​មាន​តែ Galaxy Round របស់ Samsung និង G Flex ដែលទើប​សម្ពោធ​នេះ​ទេ។ យ៉ាងណាមិញ លក្ខណៈ​កោង​នៅ​លើ Smartphone ទាំង​ពីរ​នេះ​ខុស​គ្នា ពោល Galaxy Round កោង​ផ្ដេក ចំណែក G Flex កោង​បញ្ឈរ។

មិន​តែ​ប៉ុណ្ណោះ G Flex នេះ​ថែម​ទាំង​បាន​បំពាក់​មុខងារ swing lock screen ដែល​អាច​ផ្លាស់ប្ដូរ Wallpaper ដោយ​ការ​ផ្អៀង​ឱ្យ​មាន​ចលនា និង​មាន​លក្ខណៈ​នៃ​ការ​បើក​សោ​ផ្សេងៗ​នៅ​ពេល​អ្នក​ប្រើ touch ត្រង់​ទីតាំង​ខុស​គ្នា​នៅ​លើ​អេក្រង់។ មុខងារ​ផ្សេង​ទៀត គឺ​អាច​ឱ្យ user បើក​ចូល​កម្មវិធី​ប្រភេទ multimedia បាន​ដោយ​ផ្ទាល់​ពី lock screen។

Smartphone កោង G Flex នឹង​មាន​លក់​នៅ​ខែ​ក្រោយ ប៉ុន្តែ​តម្លៃ​ពុំ​ត្រូវ​បាន​បញ្ជាក់​នៅ​ឡើយ​ទេ។

មើលផ្សេងៗទៀត