Love Wedding

បញ្ហាសុដន់ដែលស្ត្រីគួរប្រយ័ត្ន

08/05/2014

នាពេលបច្ចុប្បន្ន ជំងឺដែលស្ត្រីភាគច្រើនជួបប្រទះនិងមានការខ្លាចរអាគឺជំងឺមហារីកសុដន់ ដែលស្ត្រីខ្លះមិនបានដឹងមុនទេក៏ស្រាប់តែចេញអាការធ្ងន់ធ្ងរតែម្តង។ ដូចនេះដើម្បីឱ្យប្រាកដក្នុងចិត្តនិងយល់ច្បាស់ពីជំងឺមហារីកអ្នកគួរស្វែងយល់ពីលក្ខណៈជំងឺពាក់ព័ន្ធនឹងសុដន់ដូចខាងក្រោមនេះ...។

-អាការឈឺសុដន់អាចផ្សេងពីគ្នា ៖

ប្រសិនបើអ្នកមានអារម្មណ៍ថាឈឺឬតឹងសុដន់ នៅមុនពេលមករដូវអ្នកមិនចាំបាច់ភ័យ ខ្លាំងពេកនោះឡើយ បន្ទាប់ពីនោះមកការឈឺចាប់នឹងថយចុះ។ក្រៅពីនេះ វាអាច បណ្តាលមកពីអារម្មណ៍តានតឹងដែលជះឥទ្ធិពលដល់អ័រម៉ូន។

-ឈឺសុដន់តែមិនពាក់ព័ន្ធនឹងរដូវ ៖

អាចកើតលើស្ត្រីវ័យអស់រដូវ និងវ័យបន្តពូជដោយលក្ខណៈរបស់វា គឺឈឺផ្នែកណាមួយនៅលើសុដន់ ឬមានអារម្មណ៍ឈឺសុដន់ទាំងសងខាង។ ស្ត្រីខ្លះមានអាការឈឺបែបនេះយូរជាង២ឆ្នាំ ក្រោយមក អាការនេះ នឹងបាត់ទៅដោយ ខ្លួនឯង។អ្នកខ្លះឈឺដោយសារតែសុដន់ទទួលរងការប៉ះទង្គិច ប៉ុន្តែ ពេលខ្លះឈឺដោយគ្មានមូលហេតុ។ ទោះបីជាការឈឺបែបនេះមិនមែនជាអាការរបស់ជំងឺ មហារីកសុដន់ប៉ុន្តែ ប្រការល្អបំផុត អ្នកគួរទៅជួបគ្រូពេទ្យដើម្បីពិនិត្យឱ្យបានល្អិតល្អន់។

-ឈឺកណ្តាលសុដន់ ៖

ពេលខ្លះ គេអាចហៅថា ជំងឺរលាកឆ្អឹងជំនីរដែលអ្នកអាចសង្កេតបាន ព្រោះ ការឈឺបែបនេះ មិនពាក់ព័ន្ធនឹងវដ្តរដូវឡើយ។

-បន្ថយការឈឺចាប់សុដន់ដោយអាហារ ៖

អាហារខាងក្រោមនេះមានគុណប្រយោជន៍អាចបំបាត់អាការឈឺសុដន់ បាន ៖

-បន្ថយអាហារដែលសម្បូរកាហ្វេអ៊ីន ដូចជាកាហ្វេ តែ ទឹកក្រូចហ្គាស់ និង សូកូឡា។

-បន្ថយជាតិខ្លាញ់ដែលមាននៅក្នុងអាហារដូចជា នំប៉័ងផ្អែម សាច់សត្វ ខ្លាញ់សត្វ ដោយទទួលទានបន្លែ ផ្លែឈើ និងធញ្ញជាតិឱ្យបានច្រើនជាងមុន។

-បន្ថយការទទួលទានអំបិល។

-ទទួលទានវីតាមីនបន្ថែមដោយធ្វើការពិគ្រោះជាមួយគ្រូពេទ្យ ឬអ្នកជំនាញផ្នែកអាហារ ជាមុនសិន។គួរទទួលទានវីតាមីនE វីតាមីនB6 និងប្រេងEveningPrime Olls ៕

From: Angkor thom media

អត្ថបទផ្សេងៗទៀត៖

វិធីដើម្បីទទួលបានទម្រង់មុខអក្សរVដ៏ពេញនិយមនៅអាស៊ី

មនុស្សស្រីគ្រប់រូប សុទ្ធតែអាចស្រស់ស្អាតដូចតារាបាន ដោយគ្រាន់តែតុបតែង ឲ្យត្រូវនឹងមុខរបស់ខ្លួន!