2/12014
វេជ្ជបណ្ឌិត ធឿង ច័ន្ទសីហា
ជំងឺកកខ្លាញ់នៅរាងកាយគឺជាកង្វល់មួយលើមនុស្សគ្រប់រូប។វាបង្កឲ្យមានបញ្ហាជាច្រើនក្នុងការរស់នៅដូចជាការពិបាកស្លៀកពាក់ហូបចុកនិងចុះចំណោមក្នុងសង្គមជាដើម។
ក្នុងចំណោមវិធីសាស្ត្រជាច្រើនដើម្បីបំបាត់កោសិកាខ្លាញ់ការវះកាត់យកដុំកោសិកាខ្លាញ់ចេញដែលហៅថា Liposuction គឺជាវិធីសាស្ត្រមួយដ៏មានប្រសិទ្ធភាពបំផុត។ប៉ុន្តែថ្មីៗនេះមានវិធីសាស្ត្រម៉្យាងទៀតដែលមិនតម្រូវឲ្យធ្វើការវះកាត់ដើម្បីបំបាត់កោសិកាខ្លាញ់ខណៈដែលវិធីសាស្ត្រថ្មីនេះហាក់ដូចជាមានមតិចម្រូងចម្រាសច្រើនទាក់ទិននឹងប្រសិទ្ធភាពក៏ដូចជាគុណភាពក្នុងការព្យាបាលរបស់វា។
តើអ្វីទៅជាវិធីសាស្ត្របំបាត់កោសិកាខ្លាញ់ដោយមិនវះកាត់?
ការបំបាត់កោសិកាខ្លាញ់ដោយមិនវះកាត់ដែលភាសាអង់គ្លសេហៅថា Lipodissolve គឺជាវិធីសាស្ត្រម៉្យាងដែលក្នុងនោះមានការចាក់បញ្ចូលទៅក្រោមស្បែកនូវប្រភេទថ្នាំជាច្រើនសម្រាប់បំបាត់កោសិកាខ្លាញ់ដែលនៅកកកន្លែងណាមួយនៃរាងកាយក្នុងបរិមាណតិចតួចតែពុំមែនបំបាត់ខ្លាញ់ទាំងមូលក្នុងបរិមាណច្រើននោះទេ។
តើមានសារធាតុអ្វីខ្លះដែលនឹងចាក់ចូលក្នុងខ្លួននាក់ដើម្បីបំបាត់កោសិកាខ្លាញ់នោះ?
សារធាតុផ្សំក្នុងល្បាយសម្រាប់ចាក់បញ្ចូលទៅក្រោមស្បែកគឺប្រែប្រួលយ៉ាងច្រើនទៅតាមការអនុវត្តរបស់វេជ្ជបណ្ឌិតនីមួយៗ។ប៉ុន្តែជាទូទៅវាមានសារធាតុពីរដែលខានពុំបានគឺPhosphatidylcholine (PPC) និង Deoxycholate (DC)។ក្រៅពីនេះគេក៏អាចបន្ថែមនូវប្រភេទវីតាមីនអង់ស៊ីម និងអ័រម៉ូន ជាដើម។
សារធាតុ PPC គឺជាសារធាតុម៉្យាងចម្រាញ់ចេញពីគ្រាប់សណ្ដែកសៀង។ដោយឡែក DC ជាសារធាតុម៉្យាងដែលមានលក្ខណៈដូចជាទឹកប្រមាត់របស់យើងអ៊ីចឹងដែរ។ PPC ត្រូវបានរដ្ឋបាលសុខភាពចំណីអាហារសហរដ្ឋអាមេរិកអនុញ្ញាតឲ្យប្រើប្រាស់សម្រាប់បំបែកកោសិកាខ្លាញ់ក្នុងសរសៃឈាមដែលអាចបង្កឲ្យមានបញ្ហាជំងឺបេះដូង។ប៉ុន្តែរហូតមកទល់ពេលនេះវាពុំទាន់ត្រូវបានគេអនុញ្ញាតឲ្យប្រើប្រាស់ក្នុងគោលបំណងផ្សេងដូចជាការបំបាត់ខ្លាញ់លើរាងកាយឡើយ។
យ៉ាងណាមិញវេជ្ជបណ្ឌិតអាចប្រើសារធាតុផ្សំនេះក្នុងគោលបំណងតែមួយគឺការបំបែកកោសិកាខ្លាញ់ ការដឹកជញ្ជូននិងបង្ការនូវការកើតឡើងវិញនៃខ្លាញ់ត្រង់ទីតាំងដដែល។
តើវិធីសាស្ត្រនេះត្រូវបានអនុវត្តដូចម្ដេច?
វេជ្ជបណ្ឌិតនឹងធ្វើការចាក់បញ្ចូលល្បាយទាំងនេះទៅក្រោមស្រទាប់ខ្លាញ់ក្រោមស្បែកដោយពុំមានការឈឺចាប់ពុំត្រូវការប្រើថ្នាំសណ្ដំនិងមិនចាំបាច់សម្រាកពីការងារដែរ។ប្រភេទល្បាយទាំងនេះនឹងបង្កើតទៅជាប្រតិកម្មក្នុងខ្លួនយើងសម្រាប់បំបែកនូវស្រោមកោសិកាខ្លាញ់បានយ៉ាងឆាប់រហ័ស។យើងសង្កេតឃើញផលចំណេញរបស់វាក្នុងរយៈពេល៣សប្ដាហ៍ក្រោយការព្យាបាលប៉ុន្តែវាក៏ទាមទារឲ្យមានការព្យាបាល៤ទៅ៥ដងដែរទើបមានប្រសិទ្ធភាពខ្ពស់។
តើកោសិកាខ្លាញ់ដែលយើងបំបាត់ចេញនោះវាបញ្ចេញទៅកន្លែងណា?
មានការស្រាវជ្រាវជាច្រើនដែលបានកំពុងស្រាវជ្រាវថាតើកោសិកាខ្លាញ់ដែលបំបែកហើយនេះវានឹងទៅជាយ៉ាងណា? មានការអះអាងជាច្រើនបានបង្ហាញថាកោសិកាដែលបំបែកហើយនោះវានឹងចូលទៅក្នុងសរសៃឈាមតិចតួចដូច្នេះវាពុំបង្កជាបញ្ហាអ្វីទេ។ដោយឡែកមតិមួយចំនួនទៀតថាកោសិកាខ្លាញ់ដែលបំបែកហើយនឹងបញ្ចេញមកក្រៅខ្លួនយើងតាមចលនការផ្ទាល់ខ្លួន។
តើអ្វីជាការពិតនៃវិធីសាស្ត្របំបែកកោសិកាខ្លាញ់ដោយមិនវះកាត់?
តាមការពិតទៅវិធីសាស្ត្រនេះកំពុងស្ថិតក្នុងដំណាក់កាលពិសោធន៍នៅឡើយទេហើយវាពុំត្រូវបានអនុញ្ញាតឲ្យប្រើប្រាស់ដោយរដ្ឋបាលសុខភាពចំណីអាហារសហរដ្ឋអាមេរិកដែរ។
សមាគមវេជ្ជសាស្ត្រអាមេរិកផ្នែកវះកាត់កែសម្ផស្សកំពុងតែធ្វើការស្រាវជ្រាវពីលទ្ធផលនិងផលវិបាកនៃការបំបាត់កោសិកាខ្លាញ់ដោយមិនវះកាត់នេះ។ថ្វីដ្បិតតែមនុស្ស៦នាក់ក្នុងចំណោម៧នាក់ដែលទទួលការព្យាបាលនេះមានកម្រិតខ្លាញ់ទាបជាងមុនគួរឲ្យកត់សម្គាល់ប៉ុន្តែពួកគេប្រឈមនឹងផលវិបាកដូចជា អាការហើម ក្រហមឈឺចាប់និងរមាស់ជាដើម។
ចំពោះស្ត្រីកំពុងមានគភ៌បំបៅកូន ឬអ្នកជំងឺមានបញ្ហាទឹកនោមផ្អែមរលាកសរសៃឈាម និងជំងឺផ្សេងៗមួយចំនួនទៀតក៏មិនអាចទទួលនូវការព្យាបាលបំបាត់ខ្លាញ់ដោយពុំវះកាត់នេះដែរ។
តើអ្នកកំពុងស្វែងរកការបំបាត់កោសិកាខ្លាញ់ដោយមិនវះកាត់ដែរឬទេ?
ថ្វីដ្បិតតែពុំមានការអនុញ្ញាតឲ្យប្រើប្រាស់ជាផ្លូវការប៉ុន្តែវេជ្ជបណ្ឌិតឯកទេសមួយចំនួនធំនៅអឺរ៉ុបនិងអាមេរិកបានចាប់ផ្ដើមអនុវត្តវិធីសាស្ត្រទាំងនេះហើយ។ការប្រើប្រាស់វិធីសាស្ត្របំបាត់ខ្លាញ់នៅត្រង់ក្បាលពោះដងខ្លួន ដៃនិងចង្កាជាដើមមិនវះកាត់នៅមានលក្ខណៈស្រាលបើធៀបទៅនឹងការវះកាត់យកកោសិកាខ្លាញ់ចេញដែលត្រូវប្រឈមនឹងបញ្ហាជាច្រើនដូចជាការប្រើថ្នាំសណ្ដំ ការចម្លងរោគ និងលទ្ធផលជាដើម។
អត្ថបទនេះចូលរួមចែករំលែកដោយគ្លីនិកសម្ផស្ស PearlMedical Center ដែលអាចទាក់ទងតាមទូរស័ព្ទលេខ ០៨៨ ៣៣ ៧៧ ៧៧៧ និងវិបសាយ www.pearlmedicalcenter.net៕
- ធ្វើយ៉ាងណាទើបស្អាតអស្ចារ្យដោយមិនចាំបាច់ Make-up!
- អន់ចិត្ត មិត្តភក្តិចំអកពេក នារីវ័យក្មេងម្នាក់ ខំប្រឹងសម្រកទម្ងន់ រហូតក្លាយជាស្រីស្អាត
- វិធីងាយៗសំរាប់សុភាពនារី ដែលចង់បានផ្ទៃមុខ និងដងខ្លូនស្អាតតាមបែបធម្មជាតិ
- យុវតីសម័យថ្មីវៀតណាម ចុះអប់រំក្មេងជំទង់ពីបញ្ហាផ្លូវភេទដ៏រសើបក្នុងសង្គម
- ឱសថជំនួយផ្លូវភេទនារីក្រោមរូបភាពជាថ្នាំបាញ់ច្រមុះ
- អត្ថប្រយោជន៏សុខភាពទាំង ១០យ៉ាងដែលទទួលបានពី មើមរមៀត
- ស្ត្រីមួយចំនួន មានការឈឺចាប់ នៅពេលរួមភេទ
- ក្លៀកខ្មៅមែនទេ!!! អស់កង្វល់ពីរឿងទាំងនេះទៀតហើយ ដោយវិធីងាយៗធានាថាមានប្រសិទ្ធភាព ១០០%
- បញ្ហាសុដន់ដែលស្ត្រីគួរប្រយ័ត្ន
- ១០គន្លឹះសម្រាប់គូស្នេហ៍ជ្រើសរើសពេលវេលាសមស្របដើម្បីនាំគ្នាឡើងឋានសួគ៌
- ១១សំណួរអំពីសិចដែលអ្នកគួរស្វែងយល់ក្រោយពេលសម្រាលបុត្ររួច
- តើមើលថែដើមទ្រូងយ៉ាងណាឱ្យបានស្អាត?
- ព្យាបាលបញ្ហាពោះយារធ្លាក់ក្រោយសម្រាលបុត្រ
- កាត់បន្ថយមុខមុនធ្វើឱ្យស្បែកស្រស់ថ្លាដោយផ្លែស្វាយ
- ឈរជួយបន្ថយបញ្ហាអារម្មណ៍តានតឹង
- ផ្លែឈើទាំងនេះគួរមានក្នុងរបបអាហារប្រចាំថ្ងៃ ផ្ដល់គុណប្រយោជន៍ខ្លាំងដល់សុខភាព
- វិធីម៉ាស្សាមុខ ឲ្យទទួលបានផលល្អ
- សារមន្ទីរយឹនសឹនហូជីមិញ តាំងបង្ហាញរុក្ខជាតិវេជ្ជសាស្ដ្រជាង ៤០០ ប្រភេទ
- ស្ថិតិប្រវែងលិង្គបុរសតាមប្រទេស
- មិត្តភក្តិបង្អាប់ពេក ព្យាយាមសម្រកគីឡូ បានសម្រេច និងក្លាយជាតារាម៉ូដែលទៀត!
- ចំនួនអ្នកទស្សនា05523227
- ថ្ងៃនេះ330
- ម្សិលមិញ925
- សប្តាហ៏នេះ5552
- ខែនេះ27679
