05.08.2014

ការថែទាំស្បែកនៅពេលយប់ផ្ដល់នូវអត្ថប្រយោជន៍។ ការថែទាំនៅពេលយប់ ងាយធ្វើឱ្យស្បែកឆាប់សម៉ត់និងមានជាតិ សំណើមណាស់ ព្រោះស្បែកពុំបានទទួល រងពីកម្ដៅថ្ងៃហើយមិនបានធ្វើ ឱ្យស្បែកក្រៀមស្ងួតទៀតផង ។ហេតុដូចនេះសូមលោកស្រីអ្នកនាងកញ្ញាកុំបណ្ដោយឱ្យស្បែកទ្រុឌទ្រោម ទៅតាមអាយុកាលឱ្យសោះប្រសិនបើចង់បានស្បែក ដូចដែលលោកអ្នកប៉ង គ្រាន់តែ លោកស្រីអ្នកនាងកញ្ញាអនុវត្ដរូបមន្ដមួយចំនួន ។

គេហទំព័រសុខភាពកម្ពុជាសូមលើកពីវិធីថែទាំស្បែក នៅពេលយប់មកបង្ហាញជូនប្រិយមិត្ដ អ្នកអានឱ្យ បានស្វែងយល់តាមរយៈ ការជួបសម្ភាសន៍ ជាមួយអ្នកនាងសោភា ម្ចាស់ហាងកែសម្ផស្ស ម៉ាលីនណា ។

ដើមហេតុថែទាំស្បែកនៅពេលយប់

ធម្មតានៅពេលយប់គឺពុំមានកម្ដៅព្រះអាទិត្យឡើយ ហើយក៏អាកាសធាតុល្អប្រសើរជាងពេលថ្ងៃ ។ ដូចនេះការថែទាំ ស្បែកនៅពេលយប់ គឺឆាប់ទទួលលទ្ធផលល្អដូចជាធ្វើឱ្យស្បែកមានសំណើមសម៉ត់រលោង ។ ចំពោះពេលថ្ងៃទោះបីជាលោកអ្នកថែទាំស្បែកដោយ យកចិត្ដទុកដាក់ បំផុតក៏ដោយ ស្បែកលោកអ្នកក៏នៅទទួលរងឥទ្ធិពល ពីកម្ដៅព្រះអាទិត្យដែរ ។ ប្រសិនបើពេលថ្ងៃលោកអ្នកប្រើប្រាស់ផលិតផលខុសនោះធ្វើឱ្យស្បែកលោកអ្នកឆាប់មាន ប្រតិកម្មជាងពេលយប់បណ្ដាលឱ្យចេញ កន្ទាលរមាស់នៅ លើស្បែក ។ព្រោះការលាបឡេនៅពេលថ្ងៃ វាជ្រាបចូលទៅតាមរន្ធរោមហើយ បង្កើតបានជាមេរោគ ។ ម្យ៉ាងវិញទៀតបើពេលថ្ងៃលោកអ្នកប្រើឡេលាបស្បែក ហើយដើរហាលថ្ងៃក្ដៅធ្វើឱ្យស្បែកចេញញើសក្រៀមស្ងួតគ្មានសំណើមនិងធ្វើឱ្យស្បែកលោក អ្នកខ្មៅទៀតផង ។

វិធីថែទាំស្បែកនៅពេលយប់

វិធីថែទាំស្បែកនៅពេលយប់មានច្រើនរបៀប ដែលលោកអ្នកអាចជ្រើសរើស យកវិធីណាមួយ មកអនុវត្ដក៏បាន ។

1 . ការប្រើផលិតផល គីមី ៖មាន ដូចជាឡេម៉ាស្សាខ្លួនជាដើម ។ ជាដំបូងលោកអ្នកត្រូវ ងូតទឹកលាងសម្អាតខ្លួនជាមុនសិនដើម្បីកុំឱ្យមានក្អែលនៅជាប់នឹងស្បែក ។ បន្ទាប់មកលោកអ្នកត្រួវប្រើឡេម៉ាស្សា ដែលត្រូវជាមួយ ស្បែកលោកអ្នក យកមកលាបឱ្យសព្វនៅលើរាងកាយ ។  លោកអ្នកត្រូវធ្វើវិធីនេះ រាល់យប់ជាប្រចាំនោះនឹងធ្វើឱ្យស្បែក លោកអ្នកសម៉ត់ រលោងស្អាតដូចដែលប៉ងប្រាថ្នា ។ប៉ុន្ដែវិធីធ្វើនេះធ្វើឱ្យលោកអ្នកអស់ថវិកា ច្រើនបន្ដិច ។

2 . ការប្រើផលិតផល ធម្មជាតិ ៖មាន ដូចជាពន្លៃ ទឹកឃ្មុំនិងស្រាសជាដើម ។ ជាបឋមលោកអ្នក ត្រូវយកពន្លៃមកបុកឱ្យម៉ត់ទើបលាយជាមួយស្រាសនិងទឹកឃ្មុំ ។បន្ទាប់ពីលោកអ្នកងូតទឹក សម្អាតខ្លួនហើយ លោកអ្នកត្រូវយកពន្លៃនិងស្រាសមកលាប ឱ្យសព្វនៅលើរាងកាយ ។ ការដែលថែទាំស្បែកដោយប្រើពន្លៃម៉ត់លាយជាមួយស្រាសធ្វើឱ្យមានការធុំក្លិនខ្លួនបន្ដិចមែន ប៉ុន្ដែក្រោយពីផ្អាប់ខ្លួនប្រហែល១៥នាទីរួចមក លោកអ្នកត្រូវលាងសម្អាតខ្លួនវិញដើម្បីបំបាត់ ការធុំក្លិនខ្លួន ។ បើលោកអ្នកព្យាយាមលាបឬធ្វើវិធីនេះជារៀងរាល់យប់នោះនឹងធ្វើឱ្យស្បែក លោកអ្នកសម៉ត់រលោងស្អាតតាមបែបធម្មជាតិហើយ លោកអ្នកមិនសូវ អស់ថវិកាច្រើន ទៀតផង ។

ដំបូន្មានអ្នកជំនាញ

របៀបថែទាំស្បែកនៅពេលយប់មិនថាជារបៀបថែទាំ ស្បែកដោយប្រើផលិតផលគីមីឬផលិតផលធម្មជាតិ ឡើយវិធីទាំង នេះអាចអនុវត្ដសម្រាប់ មនុស្សទូទៅមិនប្រកាន់ស្បែកនោះទេ មិនថាស្បែកស្ងួត ស្បែកមានជាតិខ្លាញ់ឬស្បែកខ្មៅឡើយ ។ការប្រតិបត្ដិតាមវិធីទាំងនេះជាប្រចាំ នោះនឹងធ្វើឱ្យ លោកអ្នកឆាប់ទទួលផលល្អដូចជាស្បែកស្អាត ដូចដែល អ្នកចង់បាន ៕

អត្ថបទរក្សាសិទ្ធិដោយwww.healthcambodia.com

ចង់ដឹងព័ត៌មានសុខភាពនិងសម្រស់ សូមចុចwww.healthcambodia.com

• ព្យាបាល​បញ្ហា​ពោះ​យារធ្លាក់​ក្រោយ​សម្រាល​បុត្រ
• វិធីងាយៗសំរាប់សុភាពនារី ដែលចង់បានផ្ទៃមុខ​ និងដងខ្លូនស្អាតតាមបែបធម្មជាតិ
• អប់សក់ ដោយចេកអំបូង
• កាត់បន្ថយមុខមុនធ្វើឱ្យស្បែកស្រស់ថ្លាដោយផ្លែស្វាយ
• វិធីម៉ាស្សាមុខ ឲ្យទទួលបានផលល្អ
• ១១​សំណួរ​អំពី​សិច​ដែល​អ្នក​គួរ​ស្វែងយល់​ក្រោយ​ពេល​សម្រាល​បុត្រ​រួច​
• ១០​គន្លឹះ​សម្រាប់​គូស្នេហ៍​ជ្រើសរើស​ពេលវេលា​សមស្រប​ដើម្បី​នាំ​គ្នា​ឡើង​ឋានសួគ៌​
• ៦ទីតាំងសម្រាប់បំពេញកោសិកាខ្លាញ់របស់អ្នក
• ក្លៀកខ្មៅមែនទេ!!! អស់កង្វល់ពីរឿងទាំងនេះទៀតហើយ ដោយវិធីងាយៗធានាថាមានប្រសិទ្ធភាព ១០០%
• ស្ថិតិ​ប្រវែង​លិង្គ​បុរស​​​តាម​ប្រទេស
• អត្ថប្រយោជន៍នៃរុក្ខជាតិស្តៅ
• សារមន្ទីរ​យឹនសឹន​ហូជីមិញ ​តាំងបង្ហាញ​រុក្ខជាតិ​វេជ្ជសាស្ដ្រ​ជាង ៤០០ ប្រភេទ​
• បញ្ហាសុដន់ដែលស្ត្រីគួរប្រយ័ត្ន
• ឈឺចាប់ ពេលរួមភេទ មានរោគសញ្ញាអ្វីខ្លះ?
• មនុស្សស្រីគ្រប់រូប សុទ្ធតែអាចស្រស់ស្អាតដូចតារាបាន ដោយគ្រាន់តែតុបតែង ឲ្យត្រូវនឹងមុខរបស់ខ្លួន!
• ឈរជួយបន្ថយបញ្ហាអារម្មណ៍តានតឹង
• ផ្លែឈើទាំង​នេះគួរមាន​ក្នុង​របបអាហារប្រចាំថ្ងៃ​ ផ្ដល់គុណប្រយោជន៍ខ្លាំងដល់សុខភាព
• ស្ត្រីមួយចំនួន មានការឈឺចាប់ នៅពេលរួមភេទ
• ការបំបាត់ខ្លាញ់ដោយពុំវះកាត់មានសុវត្ថិភាពទេ?
• សកម្មភាពសិច១០យ៉ាងល្អតែទ្រឹស្ដី បើអនុវត្តអាចគ្រោះថ្នាក់